دعوى للتضامن مع الاسرى الفلسطينين فى السجون الاسرائيليه بتغير صورتك لهذه الصورة على الفيس بوك وتويتر

منذ 76 يوما والاسرى الفلسطنين يضربون عن الطعام فى السجون الاسرائيليه لما قام به نتنياهو من اجراءات عقابية وتأديبية ضد الأسرى
فلا تبخل عليهم بالتضامن معهم عن طريق تغير صورتك الشخصيه فى المواقع الاجتماعيه الفيس بوك وتويتر والجوجل بلس 1 وغيرها من المواقع الاجتماعيه لتلك الصورة
فاللون البنى هو لون ملابس السجن فى السجون الاسرائلية والحروب المكتوبه عليها أختصار ل " مصلحه السجون الاسرائيليه "

المصـــدر  

اقرأ المزيد...

تعليقات ساخرة على مناظرة ابو الفتوح وعمرو موسى

انتشر على الموقع الاجتماعى الفيس بوك عده تعليقات تسخر من المناظرة التى تمت اليوم بين مرشحى الرئاسه الدكتور عبد المنعم ابو الفتوح وعمرو موسى والتى قام كلا من الاعلاميه ريم ماجد والاعلاميه منى الشاذلى والاعلامى يسرى فوده والاعلامى عمرو خفاجى والاعلامى حافظ المرازى بأدارتها لعرض البرنامج الانتخابى لكل منهما من خلال توجيه عده اسئله لهما عن النظام السابق والثورة المصرية والاوضاع الحاليه ونظرته للمستقبل وكيفيه الارتقاء بمصر فى خلال فترة حكمه التى لا تتعدى فترتين رئاسيتين كل فترة منهما أربعه سنوات

شاهد التعليقات الساخرة على مناظرة ابو الفتوح وعمرو موسى من الفيس بوك " متجدد ان شاء الله "

المناظرة دى عامله ازاى واحد فلول (عمرو موسي) بيقول أنه مش فلول مع واحد إخوان ( أبوالفتوح) بيقول أنه مش إخوان ، يبقي أكيد المناظرة لازم تكون برعاية سنيكرز لأن انت مش انت ، وأنت جعان

................................

يعني إيه مناظره بين عمرو موسي وابوالفتوح
.
.
.
.
يعني هتقولهملي حسني حسني
هقولهملك ثوار ثوار

......................................

اعلام ايه دااا !!! مناظره كامله تخلص
و مفيش سؤال عن كيفيه تزغيط دكر البط
ولا حزمه الجرجير فيها كام عود !!
اسئله معروفه انها بتحدد اذا كان الرئيس يصلح ولا لا يصلح

.................................................. ................

من خلال المناظرة دي .. أعلن تأييدي لــ دوريتوس بدل من شبسيكو مضلع )

كل دى اعلانات انا نست كنت هتفرج علي ايه ::P

.................................

عمر موسى بيفكرنى بنفسى أيام امتحانات الجامعه
مش مهم أعرف الآجابه الصح ....المهم ماسيبش ورقه الآجابه فاضيه )

............................................

انا شايف ان الخاسر الاكبر من الجزء التاني هيا مني الشاذلي
يسري فودة عطاها درس في ادارة الحوارات والمناظرات

.................................................. ............

باسم يوسف على تويتر | واحد بيذلنا بعمله في الخارجية و التاني بيذلنا بسجنه ... زي ما مبارك ذلنا بالطلعة الجوية

.................................................. .......

عمرو موسي شوية وهقولك انا عضو في 6 ابريل وانا أدمن صفة كلنا خالد سعيد

..............................

حاجة وحشة أوى لما يقطعوا الاعلانات علشان يجيبه المناظرة )

.................................................. ........

بعد كميه الإعلانات اللي مش عايزه تخلص فى مناظره موسى وأبو الفتوح
.المناظره شكلها هى اللى هتبقى الفاصل )

..........................................

بعد انتهاء الجزء الآول من المناظره هنتخب منى الشاذلى )
مذيعه جامده والله
.................................................. ............
عجباني اوي حركات عمرو موسي
شمال ويمين ويمين وشمال كأنه حارس مرمي ومستني حد يشوطه
..............................................

لو فضلت المناظره شغاله بنظام تلقيح الكـلام ده
الشعب ممكن يرشح يسرى فوده
الشعب ده بيتلخبط بسرعه

.................................................. .

هااااااااااارد اسود .. عمرو موسي بيقولك الثوار والناس للي زي !!

هو عمرو موسي من الثوار وانا مش واخد بالي !!؟؟

................................................
موسى : من قال نعم على التعديلات الدستورية ليس مع الثورة. ويقول عن نفسه "نحن كثوار" هو قصده ثورة ١٩١٩؟

...............................

الســؤال العجــيب ان يســري فـودة بذكـاءه

بيــسأل عـمرو مـوسي بيقـوله هـل ترضـي ان حـد من نظـام مبارك

يشــتـغل مــعاك ؟!!
...
علي أســاس ان عـمرو مـوسي مـدرب برشـلونة يـعني و لا ايه ؟!!

^_^
...............................................


سؤال غبى اخر عن الذمة المالية والصحية لاتنين معديين الستين

الاجابة
انا عندى شقة ايجار وداخل واحدة قسط لابنى

بالنسبة للصحية
انا شايف ان عمرو موسى يسيب الدقيقتين يخلصوا احسن )

.................................

بلال فضل: من شدة قوة عمرو موسى وهو بيقول أنا كثوري تخيلت إن اللي كان واقف جنبي على سلالم دار الحكمة يوم 25 يناير هو عمرو موسى مش أبو الفتوح

.................................................. ...

عمرو موسي الشوط التاني عامل السن واللياقة مش في صالحوا

..................................................

صرفت كام يا عمرو ؟ .. إنت اللي صرفت كام ؟ .. كنت فين قبل الثورة يا عمرو ؟ .. إنت اللي كنت فين ؟ .. كنت بتأيد مبارك يا عمرو ؟ .. سيبك من مبارك ياللي بيأيدك السلفيين .. طب ماكنا عملنا مناظرة مع أبو الفتوح لوحده .. مسهرين جدو عمرو معانا ليه ؟! ^_^

.................................................. .........

انباء عن ان موسي في الفاصل بيقول لأبو الفتوح ... انا مستنيك برة

.........................................

عزيزى الفل : انت اصلا كده كده عمرك ما هتقتنع الا بعمرو موسى او شفيق فمتتعبش نفسك وتكتب ان عمرو موسى متقدم ... الناس كلها شايفه يا حبيبي .. انزل اى قهوة وشوف الناس مع مين .. اوعى تعيش مع نفسك فى اوهام

.................................................. ......

المرشح القادم لرئاسة الجمهورية هو من يستطيع ان يكمل المناظرة دون ان يصاب بدوالى او بواسير
باسم يوسف
...............................................

ابوالفتوح شكله هيعمل زي تريكة هيجيب جوان في اخر الماتش برضه ^_^

......................................

عمرو موسى "وزير الخارجية الأسبق وأمين جامعة الدول العربية السابق"
بيقول ان إيران دوله عـــــربــــيـــة ويرفض محاربته
ابو الفتوح عمله روشه ياعينى )))

.................................................. ............

يا جدعان الراجل عندووو 76 سنه !!
ده انا ستى اصغر منو وبدات تلووووووش

.................................................

عمرو موسى محسسنى انه كان مرشد للاخوان
فى عصر النظام السابق

الراجل بجد مفكر نفسه انه كان معارض للنظام

.................................................. ................

الـمـكـسـب فـ الـمـنـاظـره دي مـش لـعـمرو مـوسـي! ولا لأبـو الـفـتـوح!
أبـصـولـتـلـي, الـمـكـسـب لـحـمـديـن صـبـاحـي (:

.................................................. ......

حاسس ان روح عكاشة بدأت تهفهف على عمرو موسي

دا مش بعيد يقول ان امريكا هى كمان عربيه

.........................................

عمرو موسى : إيران دولة عربية !!

شكلك تعبت من الوقفه يا جدو ^_^

...........................................

تحية الي عمرو موسي
مفجر ثورة 25 يناير و ادمن صفحة كلنا خالد سعيد و شهيد معركة الجمل سابقا و هاكر قناة الفراعين حاليا

الصور















ملخص المناظرة


الحقونى ياجماعه مش عارف ليه عينى أبتديت تزغلل ؟؟

اقرأ المزيد...

"العسكرى": الانتخابات فى موعدها.. ونحترم القضاء واللجنة العليا

أكد المجلس الأعلى للقوات المسلحة، أن مصر تمر بمرحلة بالغة الأهمية والدقة، داعيا كل سلطات الدولة التشريعية والقضائية والتنفيذية إلى التعاون والتكاتف والاعتصام بالثوابت الوطنية، حتى يحقق الشعب طموحاته فى الانتقال الديمقراطى للسلطة والعبور بالوطن إلى بر الأمان.

وأوضح المجلس فى بيان له، اليوم الأربعاء، أنه يكن التقدير والثقة الكاملة لقضاء مصر الشامخ واللجنة العليا للانتخابات الرئاسية وأعضائها، مع ضرورة التزام كافة السلطات بأحكام الدستور والقانون ومراعاة عدم تدخل سلطة فى أعمال سلطة أخرى والالتزام بتنفيذ الانتخابات الرئاسية فى موعدها المحدد.

وأشار المجلس إلى أنه يقف على مسافة واحدة من جميع المرشحين دون تفضيل لأحد أو رغبة فى إقصاء أحد، وكذلك يرفض جميع أشكال التجاوز والتطاول والإدعاءات المشبوهة بتزوير الانتخابات الرئاسية، مؤكدا أن تسليم السلطة سيتم إلى الرئيس المنتخب بإرادة الشعب بنهاية المرحلة الانتقالية.

 

 المشير حسين طنطاوى

اقرأ المزيد...